Una bellezza mi vorrìa lodar
De quelle se puol dir l’ultimo biondo,
Ma no sò da che banda scomenzar,
Se da naso, dal petto, oppur dal tondo.
A dir, che un’altra Elena la par,
Che Venere con ella gà el secondo,
I xe pensieri vecchi, co è ’l cagar,
E piuttosto mi taso, e me nascondo;
Ma qualcosa vorrìa dirghe de bello
Per farghe quella lode, che ghe và,
E che affatto el pensier fusse novello.
Dirò, che la gà tante qualità,
Che a vardarla la fà tirar l’osello;
Da questo argomentè la so beltà;
Che se tanto la fà
D’impressionar sora i corpi a sol vardarla,
Cosa farala a quei, che puol toccarla,
E pò anca chiavarla?
Ah!, sì, che la gà un petto, un collo, un viso,
Che tanti pezzi i xe da paradiso;
Tanto che mi ho deciso,
Che se ella fusse stada in quel momento,
Che in terra xe vegnù tutto contento
Giove per andar drento,
El s’averìa de questa buttà addosso,
E el l’averìa chiavada a più no posso. |
Brava, avè fatto ben 'na cosa bona,
Che meggio al certo no podevi far;
Poverazza! l'avè pur tiolto in mona,
E gavè fatto ben farve chiavar.
Se volè deventar po buzarona,
Ve dago un mio conseggio a seguitar;
Continuè pur a tiorlo drento in mona,
E, co podè, lasseve buzarar.
Procurè de tior su dei gran osei,
Che sia ben grossi, e veri da schiavoni,
E sentirè che gusto ve dà quei.
Cinquanta cazzi al zorno, che sia boni,
La xe una medesina da puttei
Per quella che li tiol sina ai cogioni.
|
|
Amici, son in mona; oh che gran gusto!
E son in mona della mia diletta;
Ora ghe tocco 'l cul, ora una tetta,
E in questo posso dir, che go 'l mio giusto.
La s'ha mollà le cottole, e anca 'l busto,
Acciò che con più comodo ghe 'l metta,
In bocca la m'ha dà la so lenguetta,
E la me trà ogni tanto qualche susto.
Mi me la godo fuora de misura,
E aver vorrìa l'osello longo un brazzo
Per furegarghe ben in la natura.
Ah! che per far più grande el mio solazzo,
E per darghe più gusto a sta creatura,
Esser vorrìa in sto punto tutto cazzo.
|
A sentir che do donne innamorae
Xe tra de elle, me vien suso la stizza,
Perchè penso che quando la ghe pizza
Altro no le puol far che le monae.
Vardè che belle matte buzarae,
Una con l'altra se vuol far novizza,
Ma una chizza no puol all'altra chizza,
Se no che darghe delle slenguazzae.
Voggio ben che la gabbia un gran contento,
Ma 'l so gusto sarà sempre imperfetto,
Co gnente no le ga da metter drento.
Al più le poderìa per bel diletto,
Che l'è come ballar senza instrumento,
Chiavarse colla mona a scartozzetto.
|
|
